Decs

Biography

En sehr guete Koleg us de Schuelziit - de hütig Mc Gl - isch amene morge cho und hett gseit er und na en andere - de huetig Emc - us de Klass mached en Schwizer Hiphop Gruppe wo sich SSV (schwizer-slaeng-vertraetig ) nennt.

De Decs hett dozumal na denkt guet mached ihr das wenn ihr das wennd! Doch je länger de Decs mit dem ganze Mundart Hiphop konfrontiert worde isch hett er selber au mal lust becho öpis schriibe, hett den aber müesse feststelle, das es gar noed so eifach isch wie er sich das vorgstellt hett. So hett den de Decs das ganze mal uf Iis gleit!

Dur das dass SSV au nöd wuerklich acho isch hend sie das Projekt au mal beended! Das wär alles oepe im Jahr 2003 gsie!

Denn isch es ungefair bis endi 04 gange wo denn wiider die erste Zeiche ufcho sind, die hett de Emc gsetzt. De Decs hett recht geil gfunde was de Emc da anegleit hett und so isch er wiiider mal dra gange und hett au mal was gschriibe, isch aber au wiider id Hose.

Trozdem hend druf abe de Mc Gl de Emc de Big Stuff (de hütig Dj vo Ventiproegler) d idee gah e chlini Crew zgründe mit em Name Szene, wo na de Mc Manolo und de Decs - dozumal na mit em Name Cadd oder DD - dezue cho sind! Mer hett sich ab und zue mal troffe zum chli Freestyle!

Nur dur das dass de Decs kei anig gah hett, und de Mc Manolo niemert hett möge liide hend sich die andere dru vom Manolo und em Decs trennt! De Manolo isch zu de Oberdorf-Rhymers und de Decs hett nüme wiiter gmacht!

Endi 06 hett denn De Decs mal wiider en Stift zur hand gna und na einisch en alauf gna zum schriibe, hett aber au denn wiider nöd klappt ?! So isch er denn uf d Idee cho er chönt ja mal üebe Freesytle, so isch den au mal den cho das er Skills becho hett im Freestyle! D Luet hend afo säge Respect Decs hettemer nöd denkt vo dir. De Decs hett uf das abe es Freestyle-Album produziert ohni Name und er hets au nie veröffentlicht! Nach dem er denn gnueg gha hett vom Freestyle, hett er sich namal hinders Texte gwagt. Und siehe da übung macht den meister. Er hett 1-2 gueti Tracks anegleit! Klar nanig Profimessig aber er hett was us sine Möglichkeite usegohlt.

So hett er denn denkt er machi mal es Demo-Album wo "The Decs Side Of Life" heisst. Gschribe, ufgnoo, brännt und verteilt alles vo diheime uus. Nach afänglicher Begeischterig über s'gleistete hed sich de Decs allerdings scho glii weder mit stift und papier draa gmacht neus züüg z'schriibe und uf z'nee. Obwohl afänglich no plant gsii esch es "Decs Side of Life II" z'mache, heder denn glii s'gfüühl ghaa er wett lieber grad es niveau höcher wiitermache und sis erschte Album vergässe.

De GL und di andere Jungs vo VP hend underdesse in wettige es chlises Studio igrichtet und de Decs mal agfrögt öb er eventuell au luscht hetti mal det go uf z'nee. Nach afängliche bedänke hed er denn zuegstemmt und sit denn isch er regelmässig im Studio a z'träffe am ufnee mit em GL, em Big Stuff und andere. Studioqualität ghört mer definitiv us de neue Tracks use, und wenn alles wie plant lauft werd im summer 2007 s'neue Album "De Neu Wäg" usechoo, dasmal düütlich besser produziert und au mit enere erfahrene Crew im rugge. Im Momänt isch also no einiges am laufe, bliibed ufem neuschte stand.